Həndbol qaydaları
Oyun təqvimi
Xal cədvəli
Xəbərlər
Əlaqə

Həndbol üzrə Azərbaycan çempionatında mövsümə yekun vurulub

29.04.2018
1322
Paylaş:

Qadın  həndbolçuların  yarışının  ardınca   bu  gün  kişilərin  çempionatında  da  həlledici  görüşlər  olub.

Daha  böyük  maraqla  gözlənilən  “Məhsul”  -  “Bakı”  matçı  gərgin  mübarizə  şəraitində  keçib.  Qızıl  medallara  iddialı  rəqiblərin  oyununda  əsas  vaxt  32:32  hesabı  ilə  bitdiyindən  qalib  penaltilər  seriyasında  müəyyənləşib.  7  metrlik  zərbələri  daha  dəqiq  yerinə  yetirən  “Bakı”  35-32  hesablı  qələbə  ilə  Azərbaycan  çempionu  adına  sahib  çıxıb.  Digər  qarşılaşmada  “Təhsil”  “RİOEUGİM”  komandasını  45-28  hesabı  ilə  məğlub  edərək  bürünc  medallara  yiyələnib.

Fəxri  kürsüyə  qalxan  komandalara,  həmçinin  fərdi  nominasiyalar  üzrə  fərqlənən  idmançılara,  AHF-nin  fəxri  diplom  və  mükafatları  təqdim  olunub.

Qeyd  edək  ki,  Elnur  Cahangirovla  Yelizaveta  Hilyazəddinova  “ən  yaxşı  qapıçı”,  Dmitri  Çapliginlə  Valentina  Yankovskaya  “ən  yaxşı  oyunçu”  adına  layiq  görülüb.

Çempionatın  bağlanış  mərasimində   iştirakçılara  Azərbaycan  Həndbol  Federasiyasının  prezidenti Saleh  Məmmədovun  salamlarını  çatdıran  federasiyanın  vitse-prezidenti Orxan  Abbasov  ölkədə  idmana  göstərilən  yüksək  dövlət  qayğısından  söz  açaraq  beynəlxalq  arenalarda  qazanılan  uğurların  məhz  bunun  məntiqi  nəticəsi  kimi  qiymətləndirib.  Yarışın  qalib  və  mükafatçılarını  təbrik  edən  federasiya  rəsmisi   onlara  gələcək  yarışlarda  da  uğurlar  arzulayıb.  Fəxri  kürsüdən  kənarda  qalan  həndbolçulara  ruhdan  düşməməyi  tövsiyə  edən  vitse-prezident   səhvlərdən  nəticə  çıxarmağın  və  yeni  mövsümə  daha  yüksək  hazırlıq  keçməyin  vacibliyini  vurğulayıb.  24-cü  ölkə  çempionatı  ilə  müqayisədə   başa  çatan  mövsümün  daha  gərgin  və  maraqlı  mübarizə  ilə  yadda  qaldığını  deyən  Orxan  Abbasov  növbəti  çempionata  yeni  komandaların  qatılması  və  rəqabətin  yüksəldilməsi  üçün  bütün  qüvvələrin  səfərbər  olunacağını  bildirib.

Qeyd  edək  ki,  həndbol  üzrə  ölkə  çempionatında  6  qadın,  4  kişi  komandası  qələbə  uğrunda  mübarizə  aparıb.  2017-ci  il   oktyabr  ayının  17-də  start  verilən  yarışlarda  ümumilikdə  84  oyun  keçirilib.

14.05.2025

Azərbaycan çempionatında növbəti oyunların nəticəl ...

13.05.2025

Ölkə çempionatında növbəti tur başlanır ...

10.05.2025

Ümummilli Lider Heydər Əliyevi dərin hörmətlə anır ...

10.05.2025

"Qarabağ" zirvəyə yaxınlaşdı

Hamsına bax

Digər Xəbərlər

Həndbol hakimlərimiz Ernest və Emil Ağakişi qardaşları yeni təyinat alıblar

1378 18.02.2022

Favoritlərin mübarizəsindən “Məhsul” qalib ayrıldı

1648 10.02.2019

Qadın həndbolçulardan ibarət millimizin rəqibi məlum olub

1444 29.06.2022

Hakimlərimiz növbəti təyinat alıblar

1487 20.02.2018

“Kür” (Azərbaycan) – “Azəryol” (Azərbaycan) 18:27

560 30.08.2024

“İdman Akademiyası” komandası Azərbaycan çempionatına başçılıq edir

1498 10.04.2023

"Azərsu"nun çempionluğu rəsmiləşdi

1578 26.04.2018

Azərbaycan çempionatı: "Qarabağ" - "İdman Akademiyası" 32:25 (15:11)

385 27.11.2024