Qadın həndbolçular kubok mübarizəsinə başladılar

15.01.2020

2480

Paylaş:

Qadın həndbolçuların Azərbaycan kuboku turnirinə start verilib. “ABU Arena”da keçirilən yarışın ilk oyun günündə “Azərsu” “Azəryol”la, “Qarabağ” isə “İdman Akademiyası” ilə qarşılaşıb.

Turnirin açılış matçı daha böyük maraqla gözlənilirdi. Söhbət təbii ki, “Azərsu” ilə ölkə çempionatının lideri “Azəryol”un görüşündən gedir. Bu oyunda əksəriyyət nominal qonaqların qələbəsinə inansa da, mülahizələr doğrulmayıb. Kifayət qədər gərgin mübarizə ilə yadda qalan qarşılaşmada “Azərsu” komandası qələbə qazanmağı bacarıb – 27:26.

Günün ikinci görüşündə isə gözlənilməz nəticə qeydə alınmayıb. Oyunun şəksiz favoriti sayılan “Qarabağ” “İdman Akademiyası” komandasına asanlıqla qalib gəlib – 35:20.

Qadın həndbolçuların kubok yarışının növbəti oyunları yanvarın 22-də keçiriləcək. Həmin gün “Azəryol” “Qarabağ”la, “İdman Akademiyası” “Azərsu” ilə qarşılaşacaq.

Yanvarın 18-də isə kişi həndbolçuların ölkə kuboku turnirinin ikinci görüşləri olacaq. Söhbət U-18 – “Təhsil” və “Məhsul” – “Bakı” matçından gedir.

Qeyd edək ki, yarışın yarımfinal mərhələsi aprel ayına təyin olunub. Qalib komandaların adına isə mayın 2-də keçiriləcək həlledici görüşlərdə aydınlıq gətiriləcək.

Son Xəbərlər

26.02.2026

Xocalı soyqırımını unutma!...

25.02.2026

Kişi həndbolçuların ölkə çempionatında VIII turdan...

25.02.2026

Qadın həndbolçuların ölkə çempionatında VIII turda...

24.02.2026

Bu gün Novruzun ilk çərşənbəsi - Su çərşənbəsidir...

Qadın həndbolçular kubok mübarizəsinə başladılar

Son Xəbərlər

26.02.2026

25.02.2026

25.02.2026

24.02.2026

Digər Xəbərlər