Favoritlərin mübarizəsindən “Məhsul” qalib ayrıldı

10.02.2019

2678

Paylaş:

Kişi həndbolçuların ölkə çempionatında 9-cu turun qarşılaşmaları olub.

“ABU Arena”da keçirilən yarışın növbəti oyun günündə diqqətlər favoritlərin görüşünə yönəlib.

Bu turadək hərəyə 14 xalla çempionata şərikli liderlik edən “Məhsul” və “Bakı” komandalarının qarşılaşması gərgin və maraqlı mübarizə ilə yadda qalıb. Qapılara ümumilikdə 51 qolun vurulduğu oyunda fürsətlərdən daha layiqincə faydalanan “Məhsul” azarkeşlərinin ümidlərini doğruldub. Nominal meydança sahibi çempionluq yolunda əsas rəqibini 28:23 hesabı ilə üstələyib.

“Təhsil” –“ U-16” görüşündə isə birincilər asan qələbəyə seviniblər – 35:19.

Prinsipial qarşılaşmanı qələbə ilə başa vuran “Məhsul” 16 xalla çempionatın artıq vahid lideridir. Bu turdakı məğlubiyyətdən sonra izləyiciyə çevrilən “Bakı”nın aktivində 14 xal var. Hələ ki qələbə sevinci dadmayan “U-16” üzərində qələbə ilə xal ehtiyyatını 6-ya çatdıran “Təhsil” 3-cü pillədədir.

Son Xəbərlər

17.03.2026

Torpaq çərşənbəniz mübarək!...

16.03.2026

Ölkə çempionatı: XI turun ilk oyun gününün nəticəl...

14.03.2026

Qadın həndbolçuların ölkə çempionatında X turdan s...

13.03.2026