Həndbol üzrə Azərbaycan kuboku turnirinə start verilib

14.12.2018

1684

Paylaş:

"ABU" Arenada keçirilən Azərbaycan kuboku turnirində iştirakçılar əvvəlcə qrup mərhələsində qüvvələrini sınayırlar. Budəfəki yarışda 5 qadın, 4 kişi komandası qələbə uğrunda mübarizə aparır.

Qadınların turnirinin açılış matçında “Qarabağ” və “İdman Akademiyası” kollektivləri üz-üzə gəliblər. İmkanları daha yüksək qiymətləndirilən “Qarabağ” gözlənildiyi kimi görüşü qələbə ilə başa vurub – 37:25.

Kişi həndbolçuların yarışında isə ilk oyun günü iki qarşılaşma olub. "U-16" – “Məhsul” görüşündə nominal meydan sahiblərinin uduzacağı şübhə doğurmurdu. Daha təcrübəli rəqibin həmlələrinə tab gətirə bilməyən yeniyetmə həndbolçular böyük hesablı məğlubiyyətlə barışıblar – 21:41.

Yarışın digər favoriti - “Bakı” da turnirə qələbə ilə başlayıb. Paytaxtın eyni adlı komandasının “Təhsil” kollektivi ilə görüşü gərgin mübarizə ilə yadda qalıb. İmkanlardan daha səmərəli faydalanan “Bakı” 40:30 hesabı ilə qalib gəlib.

Qeyd edək ki, qrup mərhələsinə dekabrın 16-da yekun vurulacaq.

Azərbaycan kubokunun yarımfinal və final görüşləri isə gələn ilin mart ayında təşkil olunacaq.

Son Xəbərlər

26.06.2025

26 iyun – Azərbaycan Respublikasının Silahlı Qüvvə

17.06.2025

Gürcüstan millisi Avropa çempionatına Bakıda hazır...

15.06.2025

15 İyun - Milli Qurtuluş Günü dövlətçilik tariximi

09.06.2025