Məşqçilərsiz qalan “Azəryol”dan əzmkar qələbə

16.03.2024

1985

Paylaş:

Qadın həndbolçuların Azərbaycan çempionatında 14-cü tura start verilib. Turun açılış matçında lider “Qarabağ”la mükafatlara iddialı “Azəryol” üz-üzə gəlib. Beynəlxalq dərəcəli referilər Ələkbər Ağakişiyevlə Vaqif Əliyevin idarə etdiyi oyunun deleqatı (Avropa Həndbol Federasiyasının nümayəndəsi) İsgəndər Əsgərov olub. “AHF Arena”da keçirilən qarşılaşma gözlənildiyi kimi gərgin və maraqlı mübarizə ilə yadda qalıb. Bu oyunda əksəriyyət nominal ev sahibinin qələbəsinə inanırdı. Amma, qonaqların da uğurlu nəticəsinə ümid bəsləyənlərin sayı az deyildi. Hər iki komandanın ifasındakı əzmkar oyun elə ilk dəqiqələrdən matçın gərgin alınacağından xəbər verirdi. Bu cür düşünənlər yanılmayıblar. Xala xal prinsipi ilə davam edən qarşılaşmanın fasiləsinə “Azəryol” 1 xal fərqi ilə üstün yollanıb - 15:14. Oyunun ikinci hissəsi daha gərgin anlarla yadda qalıb. Əvvəlcə hakimin qərarlarına sistematik etirazlara görə “Azəryol”un baş məşqçisi Aleksandr Revva qırmızı vərəqə ilə cəzalandırılıb. Ardınca qonaqların oyunçusu Elnarə İbrahimova komandasını azlıqda qoyub. Bu azmış kimi, komandanın köməkçi məşqçisi Yelena Namaliyevaya da etirazlara görə qırmızı vərəqə göstərilib. Bununla belə ruhdan düşməyən “Azəryol” yüksək əzmkarlıq sayəsində matçı qələbə ilə bitirməyi bacarıb - 27:25.
Xalların sayını 17-yə çatdıran “Azəryol” eyni xala malik “Kür”lə 2-ci, 3-cü yeri bölüşür. Xal itkisinə baxmayaraq “Qarabağ” aktivindəki 20 xalla çempionatın vahid lideridir.

Son Xəbərlər

15.12.2025

Kişi həndbolçuların ölkə çempionatında II turdan ...

15.12.2025

Qadın həndbolçuların ölkə çempionatında II turdan ...

13.12.2025

"Bakı" çətinlik çəkmədən qələbə qazandı

13.12.2025

. "Azəryol"dan növbəti böyükhesablı qələbə, "Kür"

Məşqçilərsiz qalan “Azəryol”dan əzmkar qələbə

Son Xəbərlər

15.12.2025

15.12.2025

13.12.2025

13.12.2025

Digər Xəbərlər