"Azəryol"la "Qarabağ"ın çempionluq mübarizəsi davam edir

05.03.2020

2301

Paylaş:

Qadın həndbolçuların Azərbaycan çempionatında fasilə başa çatıb. 13-cü turun açılış matçında “Azərsu” və “Azəryol” komandaları üz-üzə gəliblər. Oyun gözlənildiyi kimi gərgin və maraqlı mübarizə ilə yadda qalıb. Çempionatın lideri “Azəryol” bu görüşdən də qalib ayrılmaq niyyətində idi. “Azərsu” həndbolçuları çox çalışsalar da, rəqibin istəyinə mane ola bilməyiblər. Daha yüksək əzmkarlıq göstərən “Azəryol” 35:33 hesabı ilə qələbə qazanıb.

Günün digər qarşılaşmasında “Qarabağ” “İdman Akademiyası” komandasını qəbul edib. Çempionluq uğrunda mübarizə aparan nominal ev sahibi autsayderlə oyunda elə də çətinlik çəkməyib. Bu, tablodakı yekun hesabda da təsdiqini tapıb – 36:28.

Növbəti qələbə ilə xal ehtiyatını 24-ə çatdıran “Azəryol” çempionatın vahid lideridir. “Qarabağ” ondan 2 xal geri qalır. 3-cü pillədəki “Azərsu”nun 6 xalı var. “İdman Akademiyası” komandasının aktivində hələ də xal yoxdur.

Qeyd edək ki, martın 7-də kişi həndbolçuların ölkə çempionatında 13-cü turun oyunları olacaq. Həmin gün “Təhsil” “Məhsul”la, “Bakı” isə U-18-lə qarşılaşacaq.

Son Xəbərlər

09.10.2025

Təcrübəli həndbolçunun karyerasında yeni mərhələ...

07.10.2025

Aleksandr Revva: “Müdafiədə zəif çıxışımız məni ç...

05.10.2025

Avropa kuboku: Kür (Azərbaycan) - Sao Pedro do Sul...

05.10.2025

Avropa kuboku: Azəryol (Azərbaycan) - Yunion Korno...

"Azəryol"la "Qarabağ"ın çempionluq mübarizəsi davam edir

Son Xəbərlər

09.10.2025

07.10.2025

05.10.2025

05.10.2025

Digər Xəbərlər