"Azəryol" vahid liderliyə yiyələndi

11.12.2019

2363

Paylaş:

Qadın həndbolçuların ölkə çempionatında 8-ci turun oyunları keçirilib.

Daha böyük maraqla gözlənilən “Azəryol” – “Qarabağ” görüşü gərgin idman mübarizəsi ilə yadda qalıb. Son ölkə çempionu mövsümə iddialı başlayan rəqiblə oyuna qələbə üçün çıxmışdı. Yüksək əzmkarlıq nümayiş etdirən “Azəryol” qarşıya qoyulan tapşırığı yerinə yetirib – 31:26.

Günün digər qarşılaşmasında isə “Azərsu” “İdman Akademiyası” komandasını sınağa çəkib. Əksəriyyət nominal qonaqların autsayder üzərində rahat qələbə çalacağını gözləyirdi. Amma, kifayət qədər ciddi müqavimət göstərən “tələbələr” təcrübəli rəqibə asanlıqla təslim olmayıblar. “Azərsu” maraqlı mübarizənin sonunda cəmi 4 xal fərqi ilə qələbə qazanıb – 43:39.

Əsas rəqibi üzərində qələbə çalan “Azəryol” 14 xalla, çempionatın artıq vahid lideridir. “Qarabağ” 12 xalla ikinci pillədə qərarlaşıb. 3-cü yerdəki “Azərsu” xal sayını 6-ya yüksəldib. “İdman Akademiyası” komandasının hələ də xalı yoxdur.

Çempionatın 9-cu turunun oyunları dekabrın 18-də keçiriləcək. Həmin gün “Qarabağ” “Azərsu” ilə, “Azəryol” isə “İdman Akademiyası” ilə üz-üzə gələcək.

Son Xəbərlər

13.12.2025

"Bakı" çətinlik çəkmədən qələbə qazandı

13.12.2025

. "Azəryol"dan növbəti böyükhesablı qələbə, "Kür"

12.12.2025

Ulu Öndər Heydər Əliyevin əziz xatirəsini dərin hö...

11.12.2025

"Qarabağ"dan ardıcıl ikinci qələbə

"Azəryol" vahid liderliyə yiyələndi

Son Xəbərlər

13.12.2025

13.12.2025

12.12.2025

11.12.2025

Digər Xəbərlər