Ölkə çempionatı :“Bakı” çətin Mingəçevir səfərinə yollanır

13.03.2024

2118

Paylaş:

Kişi həndbolçuların ölkə çempionatında mübarizə getdikcə kəskin xarakter alır. Çempionluq mübarizəsini davam etdirən komandalar 14-cü turda üz-üzə gələcək.

Turun açılış oyunu martın 14-də “Azəryol” və “Dinamo” arasında olacaq. Ötən tur “Bakı”ya məğlub olan “Azəryol” həndbolçuları bu görüşdə qalib gəlməklə çempionluq iddiasını davam etdirmək niyyətindədir. “AHF Arena”da keçiriləcək bu matç saat 19-da start götürəcək. Turun mərkəzi qarşılaşması liderlər qrupunda qərarlaşan komandalar arasında olacaq. 19 xalla yarış cədvəlinə başçılıq edən “Kür” ən yaxın izləyicisi, ondan bir xal geri qalan “Bakı”nı qəbul edəcək. Meydan sahibləri qələbə qazanacağı halda lider mövqeyini möhkəmlədəcək. Əks halda Mingəçevir həndbolçuları ilk pilləni paytaxt təmsilçisinə verməli olacaq. Martın 17-i "Kür" Olimpiya Tədris-İdman Mərkəzində təşkil olunacaq “Kür”- “Bakı” qarşılaşması saat 14-də başlanacaq.

Görüş Azərbaycan Həndbol Federasiyasının rəsmi “Facebook” səhifəsi və “Youtube” kanalından canlı yayımda azarkeşlərə təqdim olunacaq.

Son Xəbərlər

28.05.2026

28 May - Müstəqillik Gününüz mübarək!

27.05.2026

Müqəddəs Qurban bayramınız mübarək!...

15.05.2026

Qadın həndbolçuların ölkə çempionatında XV turdan ...

13.05.2026