Həndbol üzrə Azərbaycan kuboku yarışlarına yekun vurulub

12.05.2023
2636
Paylaş:

Ümummilli lider Heydər Əliyevin 100 illik yubileyinə həsr olunmuş həndbol üzrə Azərbaycan kuboku yarışlarına yekun vurulub.
“AHF Arena”da təşkil olunan final mərhələsində meydançaya əvvəlcə qadın həndbolçular çıxıblar. Gərgin və maraqlı mübarizəsi ilə yadda qalan “Azəryol” - “Qarabağ” görüşündə fasiləyə 7 xallıq  üstünlüklə yollanan “Qarabağ” ikinci hissədə də 30:25 hesabı ilə qalib gələrək turnirin əsas mükafatına layiq görülüb.
Kişilərin həlledici oyununda isə “İdman Akademiyası” “Təhsil”lə qarşılaşıb. Ölkə çempionatında inamla liderlik edən “İdman Akademiyası” komandası kubok yarışında da etimadı doğruldub. Rəqibi 34:22 hesabı ilə məğlubiyyətə uğradan “İdman Akademiyası” Azərbaycan kubokuna sahib çıxıb.
Final oyunlarından sonra mükafatlandırma mərasimi olub. Qalibləri təbrik edən Azərbaycan Həndbol Federasiyasının idman şöbəsinin rəhbəri, Avropa Həndbol Federasiyasının nümayəndəsi İsgəndər Əsgərov Ümummilli Lider Heydər Əliyevin 100 illik yubileyinə həsr olunmuş həndbol üzrə XXIX Azərbaycan kuboku yarışlarının uğurla başa çatdığını vurğulayıb. İsgəndər Əsgərov finalda uduzan komandaların üzvlərinə ruhdan düşməməyi tövsiyə edib. Olimpiya çempionu Lüdmila Şubinanın da qatıldığı mükafatlandırma mərasimində idmançılara diplom, kubok və hədiyyələr təqdim olunub.
Qeyd edək ki, Azərbaycan Həndbol Federasiyası və Azərbaycan Gənclər və İdman Nazirliyinin birgə təşkilatçıllığı ilə “AHF Arena”da keçirilən yarışda 7-si kişilərdən, 5-i qadınlardan ibarət olmaqla 12 komanda mübarizə aparıb.

Digər Xəbərlər

Azərbaycan Həndbol Federasiyasının  nümayəndələri Ümummilli Lider Heydər Əliyevin məzarını ziyarət ediblər

361 30.08.2025

Beynəlxalq turnir: “Qarabağ” (Azərbaycan) – “Alatau Arulary” (Qazaxıstan) 35:31

1234 30.08.2024

Yeniyetmə həndbolçular yarışlarda iştirak ediblər

2101 03.06.2022

Azərbaycan çempionatının VII turunun iki oyunu canlı yayımda

896 06.12.2024

17 yaşadək həndbolçu qızların Avropa çempionatında qrup mərhələsinin III turunun oyun cədvəli

1699 07.08.2023

Həndbol üzrə Azərbaycan çempionatına hazırlıqla bağlı müzakirələr aparılıb

1803 02.02.2017

Azərbaycan kubokunda ikinci finalçı müəyyənləşib

607 22.05.2025

Həndbol üzrə Azərbaycan çempionatında 3 oyun keçirilib

1797 16.02.2017