“İdman Akademiyası” komandası Azərbaycan çempionatında liderliyi davam etdirir

13.02.2023

2763

Paylaş:

Kişi həndbolçuların Azərbaycan çempionatında mübarizə davam edir.
13-cü turun oyunlarından əvvəl Türkiyədə baş verən dəhşətli zəlzələdə həlak olanların xatirəsi bir dəqiqəlik sükutla anılıb.
“Bakı” – “İdman Akademiyası” görüşü daha gərgin mübarizə şəraitində keçib. Fasiləyədək 6 xallıq üstünlük qazanan tələbələr ikinci hissədə rəqibin vəziyyəti dəyişmək istəyinə imkan verməyiblər. Oyun 36:31 hesabı ilə “İdman Akademiyası” həndbolçularının qələbəsi ilə nəticələnib.
Turun RİOEUGİM - “Təhsil” görüşündə meydançaya favorit qismində çıxan nominal qonaqlar inamlı qələbə qazanıblar. Məsələyə ilk hissədə aydınlıq gətirən “Təhsil” qalan vaxtda da üstünlüyü əldən verməyib - 29:55.
Çempionatın 14-cü turu da favoritlərin qələbəsi ilə başa çatıb. Daha inamlı oyun nümayiş etdirən “Təhsil” - RİOEUGİM-i 58-31 hesabı ilə məğlub edib.
“İdman Akademiyası” – “Bakı” görüşündə də yüksək əzmkarlıq göstərən “İdman Akademiyası” komandası pərəstişkarlarını sevindirib – 39:25.
“İdman Akademiyası” 27 xalla liderliyi davam etdirir. Hərəyə 21 xalı olan “Məhsul” və “Təhsil” komandaları ikinci-üçüncü yerləri bölüşür.
“Dinamo” 12 xalla 4-cüdür. RİOEUGİM və “U-16”-nın hərəyə 3 xalı var. “Bakı” 1 xalla son pillədə qərarlaşıb.