Noyabrın 12-də həndbol üzrə XXIX Azərbaycan çempionatına start verilib.
“AHF Arena” idman kompleksində keçirilən yarışın açılış mərasimi iştirakçıların paradı ilə başlanılıb.
Açılış mərasimində çıxış edən Azərbaycan Həndbol Federasiyasının vitse-prezidenti Orxan Abbasov AHF-nin prezidenti, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədovun adından iştirakçıları yarışın başlanması münasibətilə təbrik edib. O, turnirin həndbolun inkişafına təkan verəcəyinə ümidvar olduğunu söyləyərək komandalara uğurlar arzulayıb.
Gənclər və İdman Nazirliyinin idman şöbəsinin müdiri Elnur Məmmədov növbəti ölkə çempionatından sağlam rəqabət və maraqlı idman mübarizəsi gözlədiklərini bildirib. Nazirlik rəsmisi komanda sayının artırılmasının buna zəmin yaradacağını vurğulayıb.
Azərbaycanın dövlət himni səsləndirildikdən sonra turnir açıq elan edilib.
Azərbaycan çempionatı kişilərin yarışı ilə start götürüb. Açılış matçında “Təhsil” “U-16” üzərində inamlı qələbə qazanıb – 49:19. Ardınca meydançaya “Məhsul” və “Bakı” komandaları çıxıblar. Gərgin mübarizə ilə yadda qalan oyun 29:28 hesabı ilə “Məhsul”un xeyrinə başa çatıb. “İdman Akademiyası” – RİOEUGİM görüşündə isə nominal ev sahibi qələbə çalıb – 46:28.
Qeyd edək ki, Gənclər və İdman Nazirliyi və Azərbaycan Həndbol Federasiyasının birgə təşkil etdiyi yarışda ümumilikdə 7 kişi (Bakı, Təhsil, Məhsul, İdman Akademiyası, Dinamo, RİOEUGİM, U-16) və 5 qadın (Azəryol, Qarabağ, İdman Akademiyası, Azərsu, U-16) kollektivi mübarizə aparacaq.
15.04.2024
“Kür” liderlik mövqeyini qorudu...
10.04.2024
Ramazan bayramınız mübarək!...
Azərbaycan çempionatı: VIII turun oyun cədvəli
142 25.01.2024
“Nur” növbəti qələbəsini qazanıb
663 15.03.2018
Ramazan bayramınız mübarək!
83 10.04.2024
Yeniyetmələr arasında həndbol üzrə növbəti görüşlər keçirilib
763 04.06.2022
U-16 komandamız olimpiya festivalına hazırlığı davam etdirir
844 19.06.2019
Həndbol üzrə Azərbaycan çempionatına hazırlıq planı müzakirə olunub
655 11.03.2022
Həndbol üzrə XXIX Azərbaycan çempionatına yekun vurulub
685 29.05.2023
Avropa çempionatı: LTU (Litva) - ESP (İspaniya) 19:41
375 12.08.2023