Gəncə Olimpiya İdman Kompleksində həndbol üzrə 2006-cı il təvəllüdlü və ondan kiçik yaşlı yeniyetmə qızlar arasında Azərbaycan birinciliyinin zona yarışlarına start verilib.
Zəfər Gününə həsr olunan turnirdə əvvəlcə Vətənimizin azadlığı və müstəqilliyi uğrunda canlarından keçən şəhidlərin əziz xatirəsi bir dəqiqəlik sükutla yad edilib.
Açılış mərasimində çıxış edən Azərbaycan Həndbol Federasiyasının idman şöbəsinin rəhbəri, Avropa Həndbol Federasiyasının nümayəndəsi İsgəndər Əsgərov möhtəşəm Zəfər yolundan söz açaraq qeyd edib ki, Vətən müharibəsində qazanılan qələbə böyük tarixi hadisədir. Müzəffər Ali Baş Komandan, Prezident İlham Əliyevin qətiyyətli mövqeyi və şanlı Ordumuzun şücaəti sayəsində ölkəmizin işğal altında olan əraziləri 44 gün ərzində geri qaytarıldı.
Federasiya rəsmisi zona yarışlarının digər bölgələrdə keçiriləcəyini diqqətə çatdıraraq iştirakçılara uğurlar diləyib.
Açılış mərasimi başa çatdıqdan sonra Gəncə, Mingəçevir, Şirvan və Göygölü təmsil edən komandalar mübarizə aparıblar.
Turnirin ilk qarşılaşmalarında "Gəncə 1" komandası “Gəncə 2”yə 13:5 hesabı ilə qalib gəlib. “Göygöl” “Mingəçevir”i 3:1, “Şirvan” kollektivi isə “Gəncə 2”ni 4:0 hesabı ilə məğlub edib.
Gənclər və İdman Nazirliyinin və Azərbaycan Həndbol Federasiyasının təşkilatçılığı ilə keçirilən yarışlara noyabrın 9-da yekun vurulacaq.
Qeyd edək ki, qalib gələn komandalar gələn il Bakıda keçiriləcək Azərbaycan birinciliyinin final mərhələsində iştirak etmək hüququ qazanacaqlar.
09.06.2025
Ölkə birinciliyininə yekun vurulub...
Həndbol üzrə yeni mövsümə start verilir
1526
06.10.2018
Final mərhələsində növbəti oyunlar olacaq
291
28.03.2025
Yeniyetmə həndbolçularımız “Challenge Trophy” turnirində mübarizəyə başlayırlar
1426
29.05.2018
Hakimlərimiz növbəti təyinat alıblar
1607
20.02.2018
Bakıda beynəlxalq həndbol turniri davam edir
1577
11.05.2018
Həndbol üzrə XXVII Azərbaycan çempionatına start verilir
1688
07.10.2019
Qadın həndbolçulardan ibarət millimizin rəqibi məlum olub
1562
29.06.2022
“Azəryol” həlledici görüşdə əsas rəqibini üstələdi
1731
15.04.2019