Həndbol yarışları yenilənmiş "AHF Arena"da keçiriləcək

05.09.2022

819

Paylaş:

Həndbol üzrə milli komandalar, həmçinin klublar oyunlarını yenilənmiş “AHF Arena”da keçirəcəklər.

2004-cü ildə sırf həndbol üçün istismara verilən “ABU Arena”da tikildiyi dövrdən heç bir təmir işləri aparılmadığından normal fəaliyyət göstərmək mümkün deyildi. Hazırda Azərbaycan Həndbol Federasiyası tərəfindən idman kompleksində təmir-bərpa işləri həyata keçirilir. Təmir işlərindən sonra "AHF Arena" kimi fəaliyyətini davam etdirəcək kompleksdə komandaların məşq etməsi, eyni zamanda oyunlar keçirməsi üçün əlverişli şərait yaranacaq. Komandaların maddi-texniki bazasının yaxşılaşdırılmasına və həndbolun inkişafına hesablanan müvafiq işlərin yaxın vaxtlarda başa çatdırılması planlaşdırılır. Bununla da, həndbolsevərlər həm, Azərbaycan çempionatının, həm də, Avrokubok oyunları və milli komandaların seçmə mərhələ görüşlərini yenilənmiş “AHF Arena”da izləmək imkanı qazanacaqlar.

Qeyd edək ki, iyunun 7-8-də Avstriyanın Vyana şəhərində Avropa Həndbol Federasiyasının baş ofisində qurumun prezidenti Mixael Viederer və Azərbaycan Həndbol Federasiyanın prezidenti Saleh Məmmədovun iştirakı ilə keçirilən görüşdə Avropa çempionatının Bakıda təşkil olunması ilə bağlı müzakirələr aparılıb. Qitə miqyaslı mötəbər yarışın paytaxtımıza həvalə olunması çox yüksək qiymətləndirilir.

Son Xəbərlər

23.07.2024

U-18 millimiz Avropa çempionatına hazırlaşır...

22.07.2024

Milli Mətbuat Günü münasibətilə bütün media nümayə...

16.07.2024

Klublarımızın rəqibləri müəyyənləşdi...

03.07.2024