Favoritlər qələbə qazandılar

26.10.2019

2467

Paylaş:

Kişi həndbolçuların Azərbaycan çempionatı davam edir. Yarışın üçüncü turu da favoritlərin qələbəsi ilə başa çatıb. “ABU Arena”nın meydançasına ilk olaraq “Məhsul” və “U-18”komandaları çıxıblar. Ölkə çempionunun üstünlüyü şəraitində keçən qarşılaşma 34:18 hesabı ilə nəticələnib.
Günün ikinci görüşü daha gərgin mübarizə ilə yadda qalıb. “Təhsil” və “Bakı” komandalarının görüşündə qapılara 64 qolvurulub. Nominal ev sahibi rəqibə ciddi müqavimət göstərsə də, məğlubiyyətdən qurtula bilməyib. Yüksək əzmkarlıq nümayiş etdirən “Bakı” 35:29 hesabı ilə qalib gəlib.
Kişilərin mübarizəsində növbəti turun oyunları noyabrın 9-da keçiriləcək. “ABU Arena”nın meydançasında “Məhsul” “Təhsil”lə, “U-18” “Bakı” ilə üz-üzə gələcək.
Qadınların çempionatında isə 4-cü turun görüşləri noyabrın 6-da olacaq. Həmin gün lider “Qarabağ” “İdman Akademiyası” komandasını sınağa çəkəcək. “Azəryol” isə “Azərsu” ilə qarşılaşacaq.

Son Xəbərlər

20.01.2026

20 Yanvar şəhidlərinin əziz xatirəsini dərin hüzn

18.01.2026

Ölkə çempionatı: "Kür" - "Azəryol" 31:26 (17:11)...

17.01.2026

Ölkə çempionatı: Qarabağ - Təhsil 36:21 (16:9)...

16.01.2026