Ölkə çempionu əsas rəqibinə qalib gəldi

21.10.2019

1780

Paylaş:

Kişi həndbolçuların Azərbaycan çempionatında ikinci turun oyunları olub. “ABU Arena”nın meydançasına əvvəlcə “U-18” və “Təhsil” komandaları çıxıblar. Gərgin mübarizə ilə yadda qalan qarşılaşmada qapılara 54 qol vurulub. Daha yüksək əzmkarlıq nümayiş etdirən “Təhsil” komandası görüşü qələbə ilə başa vurub – 29:25.

Günün ikinci oyununda “Məhsul” “Bakı” ilə üz-üzə gəlib. Daha böyük maraqla gözlənilən qarşılaşmada ölkə çempionunun imkanları yüksək qiymətləndirilirdi. Bu cür düşünənlər yanılmayıblar. Amma, “Məhsul”un asan qələbə qazandığını da söyləmək olmaz. Rəqibə kifayət qədər ciddi müqavimət göstərən “Bakı” cəmi 3 top fərqi ilə məğlub olub. 23:26.

Üçüncü turun görüşləri oktyabrın 26-da keçiriləcək. Həmin gün “Məhsul” “U-18” komandasını, “Bakı” kollektivi “Təhsil”i sınağa çəkəcək.

Oktyabrın 23-də isə qadın həndbolçuların ölkə çempionatında növbəti turun oyunları olacaq. “Qarabağ” “Azərsu” ilə, “Azəryol” isə “İdman Akademiyası” ilə qarşılaşacaq.

Son Xəbərlər

10.07.2025

Klublarımız Avropa kuboku turnirində iştirak edəcə...

26.06.2025

26 iyun – Azərbaycan Respublikasının Silahlı Qüvvə

17.06.2025

Gürcüstan millisi Avropa çempionatına Bakıda hazır...

15.06.2025