Həndbol üzrə yeni mövsümə start verilir

06.10.2018

2405

Paylaş:

Bu gün həndbol üzrə 26-cı Azərbaycan çempionatına start verilir.

Növbəti mövsümdə 6-sı qadın, 4-ü kişi olmaqla 10 komanda qüvvəsini sınayacaq. İlk olaraq qadın həndbolçular mübarizəyə başlayacaqlar.

Start fiti saat 13:00-da səslənəcək mövsümün açılış matçında "Gənclər Birliyi" və "Azəryol" kollektivləri üz-üzə gələcəklər. Saat 15:00-da başlanacaq "İdman Akademiyası" - "Qarabağ" görüşündən sonra çempionatın açılış mərasimi keçiriləcək.

İlk oyun gününün son qarşılaşmasında isə Azərbaycan çempionu "Azərsu" Gürcüstanı təmsil edən "Olimpiya" komandasını sınağa çəkəcək.

Qeyd edək ki, "Olimpiya"nın Azərbaycan çempionatında keçirəcəyi 20 görüşün 10-u Bakıda,10-u isə Tbilisidə təşkil olunacaq. Gürcüstan həndbolçuları qoşa oyunlarda mübarizə aparacaqlar. Belə ki, "Olimpiya" sabah çempionatın ikinci görüşündə yenidən "Azərsu" ilə qarşılaşacaq. Qadın həndbolçuların 20 turdan ibarət Azərbaycan çempionatına aprel ayının sonlarında yekun vurulacaq.

Kişi həndbolçulardan ibarət "Məhsul", "Təhsil", “U-16” və son çempion "Bakı" komandası növbəti respublika çempionatında mübarizəyə oktyabrın 21-də başlayacaq.

Son Xəbərlər

21.03.2026

Azərbaycanlı nümayəndə Avropa Kubokunun 1/4 final ...

20.03.2026

Ramazan bayramınız mübarək!...

20.03.2026

Novruz Bayramınız Mübarək!...

19.03.2026

Ölkə çempionatı: XI turun növbəti oyun gününün nət...

Həndbol üzrə yeni mövsümə start verilir

Son Xəbərlər

21.03.2026

20.03.2026

20.03.2026

19.03.2026

Digər Xəbərlər