Olimpiya Festivalında həndbolçu qızların turnirinin ikinci günü də arxada qalıb

“EYOF Bakı 2019” XV Avropa Gənclər Olimpiya Festivalında həndbol yarışları davam edir. İkinci oyun günündə 4 qarşılaşma olub. Qızların turnirində A qrupunun favoritləri sayılan Fransa və Rumıniya komandaları qələbə qazanıblar.

A qrupu

Fransa – İspaniya 23:13

Rumıniya – Hollandiya 32:25.

B qrupunun görüşlərində isə Macarıstan və İsveçrə həndbolçuları qalib gəliblər.

B qrupu

Azərbaycan – Macarıstan 23:47

İsveçrə  – Çexiya 40:24

İki turdan sonra aktivində 3 xalı olan Rumıniya millisi A qrupunun lideridir. Hərəyə 2 xal toplayan Hollandiya və Fransa komandaları 2-ci, 3-cü pilləni bölüşürlər. İspaniya 1 xalla autsayderdir.

B qrupunda İsveçrə və Macarıstan hərəyə 4 xalla şərikli liderdir. Çexiya və Azərbaycan seçmələri hələ ki xal qazana bilməyiblər.

Qeyd edək ki, Bakı İdman Sarayı və “ABU Arena”da keçirilən həndbol yarışlarına iyulun 27-də yekun vurulacaq.