Beynəlxalq dərəcəli referimiz İtaliyada keçiriləcək yarışa dəvət alıb

Çimərlik həndbolu üzrə beynəlxalq dərəcəli deleqat Ernest Ağakişi yeni təyinat alıb. O, İtaliyanın Kataniya şəhərində təşkil olunacaq Çempionlar Kuboku turnirində Avropa Həndbol Federasiyasını (EHF) təmsil edəcək.

Noyabrın 1-dən 4-dək keçiriləcək qitə miqyaslı yarışda 32 ölkənin çimərlik həndbolu üzrə çempionu qələbə uğrunda mübarizə aparacaq.

Qeyd edək ki, Ernest Ağakişi ənənəvi həndbol üzrə beynəlxalq dərəcəli hakimdir. Çimərlik həndbolunda isə deleqat kimi ölkəmizin yeganə təmsilçisidir.