“Azəryol” – “Ankara Yenimahalle BSK” görüşünün hakimləri açıqlandı

Xəbər verdiyimiz kimi, qadın həndbolçulardan ibarət “Azəryol” klubu Avropa Həndbol Federasiyasının “Challenge Cup” turnirində mübarizəyə Türkiyədə başlayacaq. Qitə miqyaslı yarışa III mərhələdən qoşulacaq komandamızın rəqibi “Ankara Yenimahalle BSK” komandasıdır. Noyabrın 17-si və 18-nə təyin olunan hər iki görüş Ankarada təşkil olunacaq.

Türkiyə paytaxtının “THF Spor Kompleks” arenasında keçiriləcək oyunların hakimləri də artıq məlumdur. Hər iki qarşılaşmanı Şerif Xema və Jahya Besfortdan ibarət kosovolu hakimlər briqadası idarə edəcək. EHF nümayəndəsi kimi isə gürcüstanlı Levan Gelaşvili fəaliyyət göstərəcək.